“APEX BANK” Aksiyadorlik jamiyati o‘z ustav kapitalini 600 milliard so‘mga yetkazdi. Bu bank rivojlanishidagi muhim bosqich bo‘lib, uning O‘zbekiston moliya bozoridagi mavqeini yanada mustahkamladi.2024 yil 26 dekabr holatiga ko‘ra, Bankning ustav kapitali 500 milliard so‘mni tashkil etgan va bu O‘zbekiston Respublikasi Markaziy bankining ustav kapitaliga qo‘yilgan minimal miqdor talablariga to‘liq muvofiq edi. Kapitalni 100 milliard so‘mga oshirish to‘g‘risida qabul qilingan qaror bankning yanada rivojlanish, moliyaviy barqarorligini mustahkamlash hamda ko‘rsatilayotgan xizmatlar doirasini kengaytirish bo‘yicha strategik yo‘nalishini aks ettiradi.
Ustav kapitali har qanday tijorat banki moliyaviy tuzilmasining asosiy elementi hisoblanadi. U kafolat vazifasini bajarib, kredit tashkilotining ishonchliligi, barqarorligi va mijozlar, hamkorlar hamda nazorat organlari oldidagi majburiyatlarini bajarish qobiliyatini namoyish etadi.
Ustav kapitalining oshirilishi “APEX BANK” AJ uchun yirik korporativ mijozlarni jalb etish, keng ko‘lamli investitsiya loyihalarida ishtirok etish, shuningdek, innovatsion bank mahsulotlari va texnologiyalarini joriy etish bo‘yicha yangi imkoniyatlar yaratadi. Ushbu qaror mijozlar va hamkorlarning ishonchini yanada mustahkamlashga xizmat qilib, moliyaviy operatsiyalarning barqarorligi va xavfsizligi uchun qo‘shimcha kafolatlar yaratadi.
“APEX BANK” AJ Boshqaruvi raisi Sergey Gimadiyev Abdulxayevich shunday ta’kidladi:
“Ustav kapitalini oshirish — barqaror o‘sish strategiyamizni amalga oshirishdagi muhim qadamdir. Bu nafaqat bankning moliyaviy bazasini mustahkamlaydi, balki mijozlar, biznes va mamlakat iqtisodiyotini qo‘llab-quvvatlash imkoniyatlarini ham kengaytiradi.
Biz xizmat ko‘rsatish infratuzilmasini faol rivojlantirmoqdamiz: shahardagi bankomatlar soni 400 taga yetdi, bu esa xizmatlarimizning aholiga yanada qulayroq bo‘lishini ta’minlamoqda.
Ishonchimiz komilki, kapitalni mustahkamlash va xizmat ko‘rsatish tarmog‘ini rivojlantirish yanada o‘sish, innovatsiyalarni joriy etish hamda mijozlarimizga xizmat ko‘rsatish sifatini oshirish uchun mustahkam asos bo‘ladi.”
“APEX BANK” AJ rahbariyati ta’kidlashicha, ustav kapitalini oshirish nafaqat moliyaviy qudratning ko‘rsatkichi, balki bankning o‘z mijozlari uchun ishonchli hamkor bo‘lib qolish va O‘zbekiston moliya tizimi rivojiga hissa qo‘shish yo‘lidagi strategik intilishini tasdiqlaydi.
